SPIRITUALITY — A Runyankore-Rukiga journey of faith, study, and worship
🙏🏾 Nooyetwa Kuhamya Akakwate Kaawe na Ruhanga
Omu nsi eijwire orwari, okwerarikirira, hamwe n'okubuzabuzibwa omu by'omwoyo, baingi nibenda amazima, okuhama hamwe n'obusingye. Nooyakiirwa omu kicweka ky'eby'omwoyo ekya magaziini yaitu, omwanya ogurikwera ahu turikwega, turikuteekateeka, turikweshongora, kandi tukakura omu kwikiriza kurabira omu bugaiga bwa Runyankore-Rukiga hamwe n'obutumwa bwa Ruhanga obutarikufa.
Ekicweka eki n'eky'abainiire okuhikiirira enjara n’eiriho, abarikutiina Ruhanga nainga abarikwenda kumumanya, abakuru, eminyeeto, n'omuntu weena orikwenda kumanya ebirikukiraho, amazima n'amatsiko.
📖 Ebi Orikwija Kutunga aha:
✨ 1. Enyegyesa ya Baibuli (Bible Studies)
Noija kutunga eby’okwega 53 ebirikukuhwera kwetegyereza gye Baiburi. Baiburi neerebekyera baingi nk’ekitabo ekigumire, ekitarikwetegyerezibwa, ekirikuteera obweremwa, nari nk’ekitari kya buri omwe. Noomanyisibwa ngu Baiburi n’ekitabo eki Ruhanga yaakuteereireho nk’omuntu we kandi omwana we ngu obaase kumumanya n’okubagye omu nsi egi. Kandi na bwanyima, oije otungye amagara agatahwaho.
Eby’okwega ebi byanguhi, nibikwatwa, kandi nibyegyesa Ebyahandiikirwe byonka— Nibigamba aha nshonga enkuru nka:
Ruhanga n’oha?
Ekibi kikataaha kita omu nsi?
Okujunwa niki?
N’amazima ebiragiro bikarugaho?
Amatsiko g’okugaruka kwa Yesu garahi?
Buri ky’okwega nikiija n’emishorongo, enshoboorora, hamwe n’ebibuuzo by’okwebuuzaho nkaiwe nk’omuntu nari nk’ekibiina ky’abantu.
🌹Manya Eki: Omukundwa, nooshabwa okutega amatu Messenger Radio, obaase kwega Baiburi buri izooba. Kwata aha kashushani kaayo ahaifo aho, ohurikirize hati.
📚 2. Ebitabo by’Omwoyo w’Obunabi (Books of the Spirit of Prophecy)
Mukama ari omuhwezi waitu, nitwija kuba nitukuhisyaho eby’okushoma kuruga omu bitabo by’Omwoyo w’obunabi, ebitabo ebireetsire abantu baingi ahari Kristo, ebibaasiise abantu baingi kwetegyereza BAIBURI kandi n’okwetegyereza gye obunaku obu obuturimu. Ahabw’enshonga egi, noohigwa kushagika omurimo ogu kurabira omu kugura ekitabo ky’Orugamba Oruhango [kiriho aha bureeberezi bw’Abadiventi], okubaasa kutunga empiiha z’okuvunuuza ebitabo ebindi, bityo bibaase kuza omu rurimi rwaitu. Omu bitabo ebi harimu nka:
Last Day Events [Ebiribaho aha Mperu] — (Eki kyatandikirweho kuvunuurwa)
Desire of Ages [Ekyetengo ky’Obusingye Bwona]
Steps to Christ [Amatembezo Okuhika ahari Kristo] — (Eki kiriho kivunwirwe).
The Great Controversy [Orugamba Oruhango] — (Eki kiriho kivunwirwe).
Counsels on Diet [Obuhabuzi aha Miriire]
Ministry of Healing [Obuheereza Obw’Okutamba]
Health and Temperance [Eby’amagara n’Okwecura]
N’ebindi nyamwingi…
Ebi nibyija kubaho byamara kuvunuurwa kuruga omu Rungyereza bikaza omu Runyankore-Rukiga. Nibyija kuhweraho okureeta abantu baingi ahari Yesu nangwa n’okukuza abo abarikumwikiriza.
🗣️ 3. Lessoni za Runyankore-Rukiga Ez’Abakuru (Runyankore-Rukiga Bible Study Guides for Adults)
Ebikwatireine n'eby'okushoma ebirikuguma nibyegarukamu buri bwanyima y’ameezi ashatu [kwonka bitarikushushanisa mitwe], nibikuhikibwaho aha kandi bishoboroirwe omu rurimi rwa Runyankore-Rukiga, ahabw’omuntu nk’omuntu nari nk’ekibiina ky’okwega Baiburi eky’abakuzire [okukura omu by’omwoyo].
Eby’okwega ebi n’eby’abo abaakuzire omu by’omwoyo, abamanyiriire ebyokurya ebigumire, nk’oku Paulo arikukigamba omu kitabo ky’Abaheburaayo 5: 14. Waagira ebi waagumirwa kwetegyereza omu by’okwega ebi, noohaburwa kugaruka omu by’okwega ebirikubandizibwaho (Enyegyesa ya Baiburi) nari osindikye okwetomboitwa kwawe ahari enjoyitvernacular.magazine@gmail.com. Noija kuhwerwa!
Za Lessoni Enkuru:
🎙️ 4. Eby’okubuurira – Runyankore-Rukiga Sermons
Aha noija kushangaho eby’okubuurira (Runyankore-Rukiga sermons) ebihandiikire. Ebi bigyendereire kuhweraho abo abarikutebeekanisa kubuurira, nari abaine ebi barikwenda kwetegyereza gye. Nibitaanaho n’eby’aha ruguru ahabw’okugira ngu ebi byo nibitaahira kimwe omunda kurugiirira aha ky’okwega ekirikugambwaho.
Omuri ebi harimu nka:
Orugamba Oruhango
Ekitabo Ekirikubaaa Kwesigwa
Eshaaha y’Obunabi (The Prophetic Clock)
Ebiragiro hamwe n’embabazi
Okugumirwa kwa Ruhanga
Iguru Erisya n’Ensi Ensya
N’ebindi nyamwingi
Otabifeerwa. Kandi ogume oijukye kubagana n’abandi.
🎶 5. Ebyeshongoro by’Okuhimbisa Eby’Orunyankore-Rukiga (Runyankore-Rukiga Hymnal)
Okweshongora n’eshaara erikugyenda n’okushemererwa nari n’amarira. Aha noija kushangaho ebi:
Ebyeshongoro by’okuhimbisa n’okuramya omu Runyankore-Rukiga
Eby’okwega kurugiirira aha kyeshongoro ekirikuba kyatooranwa
Ebyeshongoro eby’amaraka [links to audio Runyankore hymns]
Ebyeshongoro ebi n’eky’obuguzi bwingi omu magara g’abarikwikiriza okuruga omu busingye kuza omu bundi.
✝️ Ahabw’enki Ebi Byona?
Orurimi tirurikutuhwera omu kugamba hamwe kyonka — nirutuhwera n’omu kugamba na Ruhanga. Kurabira omu kugarukira Ruhanga n’omu kumuramya kurabira omu ndimi zaitu z’obuzaarwa [mother tongues], nituhikaana munonga n’omutima gwa Ruhanga hamwe na bataahi baitu.
Ebi byona tibigyendereire kushendashenda omuntu kumwiha omu nyikiriza ye [shana waayeshariramu okunzire] — bigyendereire kukuza omushomi omu rugyendo rwe rw’okwikiriza Ruhanga. Ti by’abakurasi ba Kristo bonka — n’ebya boona abarikwenda kumanyira kimwe ogwo owaabahangire.
📬 Tukuratire kandi Obaganeho n’Abandi
Obutabo bwa Lesson obusya, Eby’okubuurira [sermons], hamwe n’obutabo bw’okushabiramu nibiba biri aha obutoosha. Tukuratire nyaabura we otungye:
Enyegyesa ya Baiburi buri saabiiti
Akatabo ka lesson akasya buri bwanyima y’ameezi ashatu
Eby’okubuuriraho [sermons]
N’ebindi
👉🏿Manya eki:
Ebitebeekanisiibwe aha byona bitebeekanisiibwe Agaba Witness (SWUF Translator and Founder of Enjoy it Vernacular) nk’omuntu, arikuteeraho kugyezesa omukura [website testing], beitu etari nk’ekanisa nari ekitongore kyona ahansi y’enyikiriza yoona. N’ahabw’ekyo ku haraagire ekyakuteganisa, nyaabura otatambaarira omuntu weena kureka owabitebeekaniise. Musindikire okwetomboitwa kwawe ahari agabawrites@gmail.com.
With purpose and love,
The Enjoy it Vernacular Team
Raise the Word, Heal the World.