📖 Ebiijusyo, Ebishushani n'Obumanyiso

A Vernacular Devotional Journey in Runyankore
By Shawn Boonstra | Translated by Agaba Witness (SWUF Translator)

Kush. 14:6, 7 (RR64)

Twakwakiira omu kibiina ky’okwega Baiburi ahabw’abantu abakuru.

Ekitabo eki nikishoboorora enyetegyereza y'obunabi hamwe n'eby'okureeberaho by'ebyahandiikirwe kurabira omu kwikiriza, okuteekateeka, hamwe n'okumanya orurimi rwaitu rw’Orunyankore-Rukiga Kikahandiikwa omu Rungyereza kandi hati kiriho omu Runyankore-Rukiga. Nikihiga abashomi kuteekateeka munonga aha Byahandiikirwe nk’omuringo gw’okweteekateekyera okwija kwa Yesu omurundi gwa kabiri.

Lesson egi neeba neeyegyesibwa n’ahari messenger radio. Kwata ah’eipeesha ahaifo aha otandikikye kuhurikiriza.

Hurikiriza Lesson (8:00-8:30pm)

🗓️ Oku Turaakishome

Turiyo nitushohoza ebicweka bisya buri saabiiti, turikukuratira enteekateeka y'okushoma nk’oku ameezi garikukuratana: Katumba, Nyaikoma, Kahingo (March-June 2025).

Buri kihandiiko kiine omutwe kurugirira aha ky’okwega kya buri saabiiti, ogurikubaasa kuteekateekwaho buriizooba.

Enturukiriro

Akatabo aka tikarikutuhwera okwetegyereza obunabi bwonka, kureka n’ebirikukurataho, na munonga omusharaba hamwe n’okufa kwa Yesu okurikurihiirira—kuhika aha munaara gwa Babeeli, kuhika aha buheereza bw’omu ihema, okuhika ahari Zaaburi, nangwa n’okuhika aha bushwere butari bumwe na bumwe omu Ndagaano Enkuru.

Omuri ebi byona, n’ebindi byona, nitubaasa kushangamu ebishushani, obumanyiso, hamwe n’ebishushani ebirikweshushaniriza (metaphors), byaba byegirweho n’okushaba hamwe n’emitima emicureezi erikworoba (ku orikukubuura Baiburi n’omutima omugomi, nooba nooshiisha obwire) ebirikwija kutushoboororera gye obunabi bw’eby’aha mperu na munonga omu Kushuuruurirwa.

Ameezi ashatu nangwa n’okumara tigarikumara kutandika kwegyeramu ebitebyo n’ebishushani byona ebirikuhwera kwiguraho amazima g’obunabi.
Tokaamanya—tubaasa n’okumara ebiro n’ebiro turikwega ekyo.
Ahabw’embabazi za Ruhanga, hati nituza kwegaho ebiturikubaasa.

Shawn Boonstra n’omugambi nari omwebembezi wa Voice of Prophecy Ministry.
Zaavidiyo ze n’ebitabo bye bitweire nibigaruzamu amaani abantu okwetooroora ensi yoona, kandi kumara emyaka, okubuurira okwe kutweire nikwejunisibwa ahari buri kizinga oihireho ekya Antarctica.

Hurikiriza Messenger Radio

📚 Ebirimu

(Buri mutwe ogu orikukwataho nigukutwara aha ky’okwega ekyo)

📥Tunga Akatabo Koona

Sindika obutumwa bwawe ahari enjoyitvernacular.magazine@gmail.com waaba oine eki orikwenda kubuuza nari kumanya aha bikwatireine n’okutunga akatabo aka koona.

🙌 Orunyankore-Rukiga

Eki n'ekirikukira aha kushoma kwonka. N'entambura y'okwikiriza, orurimi hamwe n'abantu. Nooyetwa okushoma, okuteekateeka, okubagana n’abandi, na munonga abo abarikumanya Orunyankore.

Ku oraabe ori omuhandiiki w’ebitebyo, ebitongyerero, emizaano, ebyeshongoro, emigane, n’ebindi nk’ebyo omu Runyankore nainga omu ndimi ezindi eza burugwa-izooba bwa Afrika, reeba okweta kwaitu okw’okuhayo ebi waahandiikire, tubishohoze, ensi yoona ebishome.

Okutwegaitaho, yimata ipeesha ahaifo aho, eririho ekigambo Yimata Aha, nikwo obaase kutukuratira, kugira ngu otaija kufeerwa ebirungi nk’ebi ebikirikwija.

Enjoy it—Vernacular.

Yimata Aha

👉🏿Manya eki:

Ebitebeekanisiibwe aha byona bitebeekanisiibwe Agaba Witness (SWUF Translator and Founder of Enjoy it Vernacular) nk’omuntu, arikuteeraho kugyezesa omukutu ogu, beitu etari nk’ekanisa nari ekitongore kyona ahansi y’enyikiriza yoona. N’ahabw’ekyo ku haraagire ekyakuteganisa, nyaabura otatambaarira omuntu weena kureka owabitebeekaniise. Musindikire okwetomboitwa kwawe ahari agabawrites@gmail.com.

With purpose and love,
The Enjoy it Vernacular Team
Raise the Word, Heal the World.

Webare kwehangaana okashoma okahika n’aha. Hati nooshabwa kukwata ah’eipeesha ahaifo aho, eririho akagambo k’Orungyereza “share,” nikwo obaase kubaganaho amakuru marungi aga n’ondiijo. Webare munonga!